അറിയപ്പെടുന്ന ഒരു ഇന്ത്യൻ നടിയും രാംദാസ് അത്താവാലെയുടെ രാഷ്ട്രീയ പാർട്ടിയിലെ രാഷ്ട്രീയ പ്രവർത്തകയുമാണ് പായൽ ഘോഷ്. രാഷ്ട്രീയ പാർട്ടിയിലെ വനിതാ വിഭാഗത്തിന്റെ വൈസ് പ്രസിഡന്റ് സ്ഥാനമാണ് താരം വഹിച്ചു കൊണ്ടിരിക്കുന്നത്. കൊൽക്കത്തയിലെ സെന്റ് പോൾസ് മിഷൻ സ്കൂളിൽ പഠിച്ച താരം കൊൽക്കത്തയിലെ സ്കോട്ടിഷ് ചർച്ച് കോളേജിൽ നിന്ന് പൊളിറ്റിക്കൽ സയൻസ് ഓണേഴ്സിൽ ബിരുദം നേടിയിട്ടുണ്ട്.
നിലവിൽ താരം മുംബൈയിൽ താമസിക്കുകയും ജോലി ചെയ്യുകയും ചെയ്യുന്നു. താരത്തിന് 17 വയസ്സുള്ളപ്പോൾ താരം തന്റെ സുഹൃത്തിനൊപ്പം ഷാർപ്സ് പെറിലിന്റെ ഓഡിഷനിൽ പങ്കെടുക്കുകയും ബിബിസി ടെലിഫിലിമിൽ ഒരു വേഷം ചെയ്യുകയും ചെയ്തു. ഇംഗ്ലീഷ് പട്ടാളക്കാരനായ റിച്ചാർഡ് ഷാർപ്പിനെ അടിസ്ഥാനമാക്കിയുള്ള പീരിയഡ് ഡ്രാമയിൽ താരം അഭിനയിച്ചു.
താരം ആ സമയത്ത് ഒരു കനേഡിയൻ സിനിമയിലും അഭിനയിച്ചിട്ടുണ്ട്. സിനിമയിൽ ചേരാനുള്ള താരത്തിന്റെ തീരുമാനത്തെ താരത്തിന്റെ മാതാപിതാക്കൾ അംഗീകരിക്കാത്തതിനാൽ കോളേജ് അവധിക്കാലത്ത് താരം കൊൽക്കത്തയിലെ വീട്ടിൽ നിന്ന് മുംബൈയിൽ എത്തുകയായിരുന്നു. അവിടെ താരം നമിത് കിഷോറിന്റെ അഭിനയ അക്കാദമിയിൽ ചേർന്നു.
പിന്നീട് തെലുങ്ക് ചിത്രങ്ങളായ മിസ്റ്റർ റാസ്‌കൽ, ഊസരവെല്ലി , കന്നഡ ചിത്രമായ വർഷധാരെ എന്നിവയിലും താരം അഭിനയിച്ചു. ഈറോഡിൽ താമസിക്കുന്ന ഒരു പരമ്പരാഗത പെൺകുട്ടിയുടെ വേഷത്തിൽ സരോ ശ്രീറാം സംവിധാനം ചെയ്ത തന്റെ ആദ്യ തമിഴ് ചിത്രമായ തേരോടും വീഥിയിൽ താരത്തിന്റെ അഭിനയം ശ്രദ്ധേയമായി.
വിവേക് അഗ്നിഹോത്രി തന്റെ ബോളിവുഡ് ചിത്രമായ ഫ്രീഡത്തിന് വേണ്ടി താരത്തെ നായികയായി തിരഞ്ഞെടുക്കുകയും 2012-ൽ അതിനായി ചിത്രീകരിക്കുകയും ചെയ്തു. സഞ്ജയ് ചെൽ സംവിധാനം ചെയ്ത വീർ ദാസിന്റെ നായികയായി പട്ടേൽ കി പഞ്ചാബി ഷാദി എന്ന മറ്റൊരു ഹിന്ദി കോമഡി ചിത്രത്തിൽ താരം പ്രത്യക്ഷപ്പെട്ടു.
സോഷ്യൽ മീഡിയയിൽ എല്ലാം സജീവമായ താരം ഇഷ്ട ഫോട്ടോകളും വിശേഷങ്ങളും നിരന്തരം ആരാധകർക്ക് വേണ്ടി പങ്കുവെക്കാറുണ്ട്. ഇപ്പോൾ താരത്തിന്റെ ഒരു ഇൻസ്റ്റഗ്രാം പോസ്റ്റ് ആണ് വൈറൽ ആകുന്നത്.
എന്റെ കരിയറിലെ പതിനൊന്നാമത്തെ ചിത്രമായിരിക്കും ‘വിത്ത് ദ ഫയര്‍ ഓഫ് ലവ്: റെഡ്’ എന്നാണ് താരം ഇൻസ്റ്റാഗ്രാമില്‍ കുറിച്ചത്. ഞാൻ ആരുടെയെങ്കിലും കൂടെ കിടക്കാൻ തയ്യാറായിരുന്നെങ്കില്‍ ഇന്ന് എനിക്ക് 30-ാമത്തെ സിനിമ പൂര്‍ത്തിയാക്കാമായിരുന്നു. വലിയ സിനിമകള്‍ ലഭിക്കണമെങ്കില്‍ ആരുടെയെങ്കിലും കൂടെ കിടക്കണം. അല്ലാതെ സാധ്യമല്ല” എന്നാണ് താരം ഇൻസ്റ്റാഗ്രാമില്‍ കുറിച്ചത്. വളരെ പെട്ടെന്നാണ് പോസ്റ്റ് വൈറൽ ആയത്.
