പൊട്ടുതൊട്ടു നില്‍ക്കുന്നതു കണ്ടിട്ട് ഹിന്ദുവായി മതം മാറി എന്നൊക്കെയായി വാര്‍ത്തകള്‍ : കുടുംബ പ്രേക്ഷകരുടെ പ്രിയതാരം പറയുന്നു
ചില തമിഴ് സിനിമകൾക്കും സീരിയലുകൾക്കുമൊപ്പം പ്രധാനമായും മലയാളം ടെലിവിഷൻ വ്യവസായത്തിൽ പ്രവർത്തിക്കുന്ന ഒരു ഇന്ത്യൻ നടിയാണ് മെർഷീന നീനു. പാരിജാതം ഫെയിം രസ്നയുടെ അനുജത്തിയാണ് താരം. ഒരു പരസ്യ ചിത്രത്തിനായി യുകെജിയിൽ പഠിക്കുമ്പോഴാണ് താരം ആദ്യമായി ക്യാമറയ്ക്കു മുന്നിൽ എത്തിയത്. 2014-ൽ മുറിവ് എന്ന ചിത്രത്തിലൂടെയാണ് താരം സിനിമാ അഭിനയ രംഗത്ത് അരങ്ങേറ്റം കുറിച്ചത്.
കൊഞ്ഞം കൊഞ്ചം എന്ന ചിത്രത്തിലെ പ്രധാന കഥാപാത്രമായി താരം തമിഴ് സിനിമയിലും അഭിനയിച്ചു . തുടർന്ന് താരം തമാശ എന്ന മലയാളം സിനിമയിൽ അതിഥി വേഷം ചെയ്തു . അതേ സമയം ചില ടെലിവിഷൻ സീരിയലുകളിലും താരം അഭിനയിച്ചു. സൂര്യയിലെ അയലത്തെ സുന്ദരി ബധിരയായും മൂകയായും അഭിനയിച്ച് മലയാളി പ്രേക്ഷകർക്കിടയിൽ താരം പ്രശസ്തി ഉയർത്തി. താരത്തിന്റെ ആദ്യ തമിഴ് ടിവി സീരിയൽ, അഗ്നി നക്ഷത്രം സൺ ടിവിയിൽ സംപ്രേക്ഷണം ചെയ്തു തുടങ്ങി.
പക്ഷേ കോവിഡ് -19 ന്റെ യാത്രയിലെ ബുദ്ധിമുട്ട് കാരണം സീരിയൽ ഉപേക്ഷിക്കേണ്ടി വന്നു. 230 എപ്പിസോഡുകളിലായി താരം അഗ്നി നക്ഷത്രത്തിൽ അഖിലയായി നെഗറ്റീവ് റോളിൽ അഭിനയിച്ചത് ശ്രദ്ധേയമാണ്. അതിനിടയിലാണ് സീ കേരളത്തിൽ സത്യ എന്ന പെൺകുട്ടിയുടെ നായികയായി താരം അഭിനയിക്കാൻ തുടങ്ങിയത് . ഈ കഥാപാത്രം താരത്തെ മലയാളി പ്രേക്ഷകർക്കിടയിൽ കൂടുതൽ ജനപ്രിയയാക്കി.
താരം സോഷ്യല്‍ മീഡിയയില്‍ പ്രചരിച്ച തന്റെ വിവാഹ വര്‍ത്തയെക്കുറിച്ചാണ് ഇപ്പോൾ തുറന്നു പറയുന്നത്. സത്യ സീരിയല്‍ അവസാനിച്ച സമയത്താണ് ആ വെഡ്ഡിങ് ഫോട്ടോഷൂട്ട് ചെയ്തത്. അതു കണ്ടിട്ട് എല്ലാവരും കരുതിയത് റിയല്‍ കല്യാണമാണെന്നാണ് എന്നാണ് താരം പറഞ്ഞത്. പൊട്ടുതൊട്ടു നില്‍ക്കുന്നതു കണ്ടിട്ട് ഹിന്ദുവായി മതം മാറി എന്നൊക്കെ ചിലരെഴുതിയിരുന്നു എന്നും താരം പറഞ്ഞു. ചില ഓണ്‍ലൈന്‍ പത്രങ്ങള്‍ എന്റെ വരനെ കുറിച്ചു വരെ വാര്‍ത്ത നല്‍കിവെന്നും താരം പറയുന്നുണ്ട്.
സൈബര്‍ സെല്ലില്‍ പരാതി നല്‍കൂ എന്ന് പലരും പറഞ്ഞു എന്നും പലരും മനഃപൂര്‍വം എഴുതിവിടുന്ന ഇത്തരം വാര്‍ത്തകള്‍ കണ്ട് ആദ്യം വിഷമം തോന്നിയെങ്കിലും ആളുകളുടെ വായടപ്പിക്കാന്‍ നമുക്കു പറ്റില്ല എന്ന് പിന്നീടു മനസ്സിലായി എന്നും താരം പറയുന്നുണ്ട്. ആളുകൾക്ക് വേണ്ടി ജീവിക്കാനോ അവരെ തിരുത്താനോ ഒരിക്കല്‍ ശ്രമിച്ചാല്‍ പിന്നെ, എന്നും ശ്രമിച്ചുകൊണ്ടേ ഇരിക്കണം എന്ന് ബോധ്യപ്പെട്ടു എന്നും അതൊന്നും നമ്മളെ ബാധിക്കില്ല എന്നു തീരുമാനിച്ചാല്‍ പിന്നെ, പ്രശ്നമില്ല എന്ന് മനസ്സിലാക്കി എന്നുമാണ് താരം കൂട്ടിച്ചേർത്തത്.
