മലയാള ടെലിവിഷൻ ഷോകളിൽ ലോകത്ത് തന്നെ ഏറ്റവും കൂടുതൽ ആരാധകരുള്ള റിയാലിറ്റി ഷോ ആയിരിക്കും ബിഗ് ബോസ്. മലയാളത്തിന്റെ താരരാജാവ് മോഹൻലാൽ അവതാരകനായി എത്തുന്ന ബിഗ് ബോസ് ഇപ്പോൾ നാലാമത്തെ സീസണിൽ ആണ് എത്തിനിൽക്കുന്നത്. കഴിഞ്ഞ മൂന്ന് സീസണുകൾ ആരാധകരെ ആകാംക്ഷയുടെ മുൾമുനയിൽ നിർത്തിയിരുന്നു.
നാലാമത്തെ സീസണും ഒട്ടും മോശമാക്കിയില്ല എന്ന് വേണം പറയാൻ. കലാകായിക സാമൂഹിക സാംസ്കാരിക മേഖലകളിലെ പ്രമുഖരാണ് ബിഗ് ബോസ് ഹൗസിൽ മത്സരാർത്ഥികൾ ആയി എത്താറുള്ളത്. ഇപ്പോൾ ബിഗ് ബോസ് സീസൺ നാലിലും ഇതേപോലെയുള്ള ഒരുപാട് സെലിബ്രിറ്റികൾ മത്സരാർത്ഥികൾ ആയി എത്തി.
വൈൽഡ് കാർഡ് എൻട്രി യിലൂടെ പലരും അകത്ത് പ്രവേശിച്ചു. അതേപോലെ എലിമിനേഷൻ ലൂടെ പലരും പുറത്താക്കപ്പെട്ടു. ബിഗ് ബോസ് സീസൺ 4 ഇപ്പോൾ അവസാനഘട്ടത്തിലേക്ക് എത്തി നിൽക്കുകയാണ്. കുറഞ്ഞ മത്സരാർത്ഥികൾ മാത്രമാണ് ഇപ്പോൾ ബിഗ് ബോസ് ഹൗസിൽ ഉള്ളത്. ആരായിരിക്കും വിജയ് എന്ന് വളരെ ആകാംക്ഷയോടെ കാത്തിരിക്കുകയാണ് ആരാധകർ.
ബിഗ് ബോസിൽ നിന്ന് ഒരുപാട് പേര് ഈ കാലയളവിൽ പുറത്താക്കപ്പെട്ടു. പുറത്താക്കപ്പെട്ട സെലിബ്രിറ്റികൾ ഇപ്പോൾ ഒരു മീറ്റപ്പ് നടത്തിയിരിക്കുകയാണ്. ബിഗ് ബോസ് ഹൗസിൽ നിന്നും പുറത്താക്കപ്പെട്ട അഞ്ച് പേരാണ് മീറ്റപ്പ് നടത്തിയത്. അവരുടെ സന്തോഷം നിമിഷങ്ങളും ഫോട്ടോകളും അവർ സമൂഹമാധ്യമങ്ങളിൽ ആരാധകരോട് പങ്കുവെക്കുകയും ചെയ്തു.
നവീൻ, അപർണ മലബാരി, ഡെയ്സി, നിമിഷ, അശ്വിൻ എന്നിവരാണ് മീറ്റപ്പിൽ പങ്കെടുത്തത്. ബിഗ് ബോസ് സീസൺ ഫോർ ഒഫീഷ്യൽ മീറ്റപ്പ് എന്ന് ക്യാപ്ഷൻ നൽകിയാണ് അപർണ മലബാരിയും മജീഷ്യൻ അശ്വിനും ഫോട്ടോകൾ പങ്കുവെച്ചത്. അഞ്ചുപേർ ഒരുമിച്ചുള്ള കിടിലൻ ഫോട്ടോകൾ ബിഗ് ബോസ് ആരാധകർ ഏറ്റെടുത്തിരിക്കുകയാണ്.
“ബിഗ് ബോസ് ഹൗസിൽ അഞ്ച് പേർ അവസാന ടോപ് ഫൈവ് ൽ എത്തിയേക്കാം. പക്ഷേ ഞങ്ങളാണ് അവരെക്കാൾ മികച്ച അഞ്ചു പേര്. ബിഗ് ബോസ് സീസൺ ഫോർ ഒഫീഷ്യൽ മീറ്റപ്പ്. വീണ്ടും കണ്ടുമുട്ടിയതിൽ വളരെ സന്തോഷം. ബിഗ് ബോസ് തീം സോങ് ഡ് കൂടിയാണ് നവീൻ ചേട്ടൻ മീറ്റപ്പ് ആരംഭിച്ചത്. ശാലിനിക്ക് ഇതിൽ പങ്കെടുക്കാൻ കഴിഞ്ഞില്ല എന്നതിൽ സങ്കടം. ” എന്ന് ക്യാപ്ഷൻ നൽകിയാണ് ഫോട്ടോ പങ്കുവെച്ചത്.
